Eu Non Canto Por Cantar

Eu Non Canto Por Cantar
Eu non canto por cantar
nin pola graza que teña;
canto para alivia-lo
corazón de tanta pena.
Canta nena, canta nena,
garda o berberechiño
que a que non canta nin baila
é que ten ben feito o niño.
Canta nena, canta nena,
garda o berberecheiro
que a que non canta nin baila
é a que o dá primeiro.
Canta rula, canta rula
canta rula naquel souto;
coitadiño do que espera
polo que está nas mans doutro.