Bettamus Intro A Nois

Bettamus Intro A Nois

Intr’a nois ‘ettamus
tabaccu ei meighinas,
comente istratzos semus,
bruttos de chijina.
Bettamus intr’a nois

magicas birdes ervas,
semus che piseddos
chi chircant sas mammiddas.
Intr’a nois sunt passados,
passant et ant a passare
de inu trainos
ei atera cosa de buffare.
Ei cando passant intr’a nois
minudas magicas nues,
sa lacana jampamus,
solu pro calchi minutos.
Tottu unu raggiru
ei l’ischimus puru,
una vida intrea chircande
buttios de piachere.
Unu raggiru
chi nos faghimus
‘ettande, ‘ettande
ei l’ischimus chi faghent male...
Ma intr’a nois ‘ettamus
nues de piachere.
Nues de piachere.