Margarita nun ' o sapeva

Margarita nun ' o sapeva
Quanta sbaglie 'int"a vita se fanno
Primma o doppo se pavano e comme
E' già vierno ma 'o bbene nun torna
Comme 'o tiempo che passa e che va
Pare aiere è passato già n'anno
Che tristezza pe' ll'aria ce sta.

Stu respiro addeventa n'affanno
Pecchè torna 'int'o core tremmanno
Nu dulore che fa l'angarella
E 'o penziero che male me fa!
Chesta stanza addeventa na cella
Io me metto paura 'e campà…
Margarita nun 'o sapeva
Quanno steve vicino a mme
Ca io 'a vasavo cu' ll'uocchie 'e freva
Ma penzavo sultanto a tte.
Margarita me deve "o core
Chello ca t'he pigliato tu
Pe ce pazzià
Margarita faceva 'ammore
Comme tu nun sapive fa
E m'avesse scippato 'o core
Si sgamava sta verità.
Tu si 'a spina 'e nu suonno doce
Comme faccio a purtà sta croce
Senza pietà!
Mo è partuta pe' strade d"o cielo
Sta brillanno là 'ncoppa, è na stella
Io m"a sonno ogne notte cchiù bella
E le cerco 'o perdono pe' mme .
Sto scuntanno ogne juorno 'o peccato
Pecchè songo rimasto cu tte!
Margarita nun 'o sapeva
Quanno steve vicino a mme
Ca io 'a vasavo cu' ll'uocchie 'e freva
Ma penzavo sultanto a tte.
Margarita me deve "o core
Chello ca t'he pigliato tu
Pe ce pazzià

Margarita faceva 'ammore
Comme tu nun sapive fa
E m'avesse scippato 'o core
Si sgamava sta verità.
Tu si 'a spina 'e nu suonno doce
Comme faccio a purtà sta croce
Senza pietà!