Passione

Passione
Cchiù luntana mme staje,
Cchiù vicina te sento.
Chisà a chistu mumento
Tu a che pienze, che faje.
Tu mm'hê miso 'int' 'e vvéne
Nu veleno ch'è doce.
Comme pesa 'sta croce
Ca trascino pe'tté.

Te voglio, te penzo, te chiammo,
Te veco, te sento, te sonno.
E' n'anno,
Ce pienze ch'è n'anno,
Ca st'uocchie nun ponno
Cchiù pace truvà?
E cammino, cammino,
Ma nun saccio addó' vaco.
I' stó' sempe 'mbriaco
E nun bevo maje vino.
Aggio fatto nu vuto
 Madonna d' 'a neve,
Si mme passa 'sta freve,
Oro e perle Lle dó'.
Te voglio, te penzo, te chiammo,
Te veco, te sento, te sonno.
Ce pienze ch'è n'anno,
Ca st'uocchie nun ponno
Cchiù pace truvà?
Ce pienze ch'è n'anno,
Ca st'uocchie nun ponno
Cchiù pace truvà?